✌شايفنك يالبرجوكي✌✌
متوشحة بالقمرات
مشلولة بنص دستوري
كاتباهو الدبابات
الناس الجد راجينك
الناس الجنهم ثورة
السدرو بنور الهامش
الصبور سنين ودنين
الناس المحرومين
الشالو الشمعة سنين
السكنو بيوت الطين
الهتفو بنبض الشارع
حرية سلام وعدالة !؟؟
حرية سلام وعدالة !؟؟
والثورة خيار الشعب !؟؟
دا الشعب الطيب صابر
مضبوح الروح والقلب
ودران بيفتش زاتو
في اجندة حكم شمولي
مابدي الفقرا مصانع
لامدرسة لا من قوت
مابعرف إلا الدوشكا
الدوشكا وربط البوت
والشعب الطيب يمة
مسكون بي شوق الناس
يافقرا دواس لي دواس
ما اخير نتواثق ايوا
ونخلي الموت في السرحة
ويطير الدم في نحاس
ونحاس الجيل الجايي
في التنمية والقرطاس
ونحاس الجيل القادم
في يقظة شعب الهامش
البسأل ربو كتيير
هل ممكن يحكم فقرا
عفوا ياخليفة المهدي
شكرا محمود ود احمد
الليلة نحاسك بررة
في الدولة وحكم الشعب
سوداني هويتك هامش
ياااوطني هويتك هامش
والهامش نبض النبض
الناس البزرعو نحنا
الناس البصنعو نحنا
الناس الركبو الخيل
بي سيف العشرة الجان
في كرري وفي شيكان
الصدق الذاتي انحنا
الطرح القادم نحنا
السلطة الجاية انحنا
الدولة الجاية انحنا
لامدرسة لا تيار
لاحزب ولا اسمار
لاموية تبل الريق
لاعود بنشق بالفاس
إلا زول بنشقن طططق
ياااشعبي عدالة عدالة
يااابلدي عدالة عدالة
عدالة لكل الناس
ميزانه عديل حساس
في كفي هموم الشعب
في كفي دموع الناس
في احلى اخوة وإلفة
نتعايش بي احساس
حرية سلام وعدالة !؟؟
حرية سلام وعدالة !؟؟
والثورة خيار الشعب !؟؟
ابنوسة ثوري ثوري
دي حكومة بتضرب بوري
للشعب الماهو ضروري
في الوطن الماكل نيم
ياوطني الدنيا دبنقا
ياوطني الدنيا دبنقا
حيكومت حنة وفنقا
دا الشعب الماخد خنقا
عشان مايشبع برسيم
حرية سلام وعدالة !؟؟
حرية سلام وعدالة !؟؟
والثورة خيار الشعب !؟؟
الشعب الهامتو سقاية
في نص السوق العربي
الشعب الرزقو سقايه
في نص السوق العربي
وفي نص السوق العربي
ادروب بيفتش بالا
عشان مايبيع سكين
سكين ادروب اتباعت
في سهم السوق الحر
لابمشي جديد الثورة
باعلى جياد ود دقنا
مابتعرف طعم الضر
حرية سلام وعدالة !؟؟
حرية سلام وعدالة !؟؟
والثورة خيار الشعب !؟؟
#وتسقط_بس✌✌
متوشحة بالقمرات
مشلولة بنص دستوري
كاتباهو الدبابات
الناس الجد راجينك
الناس الجنهم ثورة
السدرو بنور الهامش
الصبور سنين ودنين
الناس المحرومين
الشالو الشمعة سنين
السكنو بيوت الطين
الهتفو بنبض الشارع
حرية سلام وعدالة !؟؟
حرية سلام وعدالة !؟؟
والثورة خيار الشعب !؟؟
دا الشعب الطيب صابر
مضبوح الروح والقلب
ودران بيفتش زاتو
في اجندة حكم شمولي
مابدي الفقرا مصانع
لامدرسة لا من قوت
مابعرف إلا الدوشكا
الدوشكا وربط البوت
والشعب الطيب يمة
مسكون بي شوق الناس
يافقرا دواس لي دواس
ما اخير نتواثق ايوا
ونخلي الموت في السرحة
ويطير الدم في نحاس
ونحاس الجيل الجايي
في التنمية والقرطاس
ونحاس الجيل القادم
في يقظة شعب الهامش
البسأل ربو كتيير
هل ممكن يحكم فقرا
عفوا ياخليفة المهدي
شكرا محمود ود احمد
الليلة نحاسك بررة
في الدولة وحكم الشعب
سوداني هويتك هامش
ياااوطني هويتك هامش
والهامش نبض النبض
الناس البزرعو نحنا
الناس البصنعو نحنا
الناس الركبو الخيل
بي سيف العشرة الجان
في كرري وفي شيكان
الصدق الذاتي انحنا
الطرح القادم نحنا
السلطة الجاية انحنا
الدولة الجاية انحنا
لامدرسة لا تيار
لاحزب ولا اسمار
لاموية تبل الريق
لاعود بنشق بالفاس
إلا زول بنشقن طططق
ياااشعبي عدالة عدالة
يااابلدي عدالة عدالة
عدالة لكل الناس
ميزانه عديل حساس
في كفي هموم الشعب
في كفي دموع الناس
في احلى اخوة وإلفة
نتعايش بي احساس
حرية سلام وعدالة !؟؟
حرية سلام وعدالة !؟؟
والثورة خيار الشعب !؟؟
ابنوسة ثوري ثوري
دي حكومة بتضرب بوري
للشعب الماهو ضروري
في الوطن الماكل نيم
ياوطني الدنيا دبنقا
ياوطني الدنيا دبنقا
حيكومت حنة وفنقا
دا الشعب الماخد خنقا
عشان مايشبع برسيم
حرية سلام وعدالة !؟؟
حرية سلام وعدالة !؟؟
والثورة خيار الشعب !؟؟
الشعب الهامتو سقاية
في نص السوق العربي
الشعب الرزقو سقايه
في نص السوق العربي
وفي نص السوق العربي
ادروب بيفتش بالا
عشان مايبيع سكين
سكين ادروب اتباعت
في سهم السوق الحر
لابمشي جديد الثورة
باعلى جياد ود دقنا
مابتعرف طعم الضر
حرية سلام وعدالة !؟؟
حرية سلام وعدالة !؟؟
والثورة خيار الشعب !؟؟
#وتسقط_بس✌✌